وجهة نظر الشباب فى البنات

السلام عليكم ورحمة الله وبركاته
أنا قرأت الموضوع ده وشدني وحبيت أخد رأيكم فيه
دى وجهة نظر الشباب إللى صعبان عليا
وهقول شوية صفات كده على الماشى
نبتدى فى أول صفة

1ــ النكد

مشفتش أى بنت مش بتحب النكد ، والنكد له صور كثيرة
الخناق عمال على بطال
وتنكد على جوزها أو خطيبها
إللى يعنى بيكون غلبان وبيستحمل
أيوه والله إحنا مظلومين بقينا زى الجمال من إللى بيحصل فينا
طيب مفيش خطيب ولا جوز يبقى التليفزيون وكم مسلسل درامى أو فيلم وعلبتين مناديل وهات يا بكى
حتى الدراسة بعد أى إمتحان لازم تخرج تبكى ، فى إيه يا بنتى مالك ، أصلى محلتش النقطة الأخيرة فى الإمتحان هسسسسسقط
مع العلم أن النقطة دى فى سؤال إختيارى وهى حلته زيادة تأكيد .

2 ــ الميول العدوانية

عمرك شفت بنت بتتفرج على المصارعة ؟؟؟
أيوه والله فى بنات كتير بتتفرج على مصارعة وحافظين أسماء المصارعين كمان وحركاتهم
غير ان فى بنات كتير بطلات رفع أثقال وتايكوندوا وألعاب عنيفة كتير
يا رب لما تعاكس متقعش فى إيد وحدة منهم

3 ــ الإسراف

بيحبو يشترو أى حاجة مش مهم هى إيه أو بتعمل إيه أو فايدتها إيه بس هى حاجة جديدة وخلاص غير اللبس والميك أب ... الخ ... الخ
تعالى فى مرة أعمل دور جنتله وقول لبنت أنا عزمك فى أى مكان تحبيه بس تكون عامل حسابك وبايع بيتكم قبلها علشان تسدد الفاتورة لأن مفيش بنت هتدخلك محل كشرى ولا مطعم فول

4 ــ الغيرة

الغيرة للبنت حاجه عادية للولد تبقى شك
طيب والبنت إللى بتبص للبنات إللى فى الشارع أو الكلية أو الشغل علشان تشوفهم بيعملوا إيه وتعمله
تلقيها دائما تقولك هى فلانه حلوة ... كل ده ميك أب بس أو فلانه دى أصلا كانت كذا وكذا وكذا ......

5 ــ العند

العند ده صفة منتشرة جدا ، بيحبو يعندو علشان يحسسو الشباب أنه بيتفقوا عليهم
تعاله كلم وحدة فى التليفون وقولها إقفلى تقولك لا أنت الأول أنت تصر إنها تقفل الأول هتعند معاك لحد ما رصيدك يخلص والخط يقطع من عندك
مهو طبعا أنت إللى متصل ...... يا جنتل

6 ــ البراءة المصطنعة والهدوء

البنت دائما تلقيها فى أول مرة تتعرف عليها بتكون هادئة ولذيذة ودمها خفيف ولو زعلتها بتسكت وممكن تعيط كمان ... بعد فترة لو لمحت من غير ما تقصد وزعلتها هتتمنى لو كنت فى قفص الأسد دلوقتى على الأقل ممكن يتفاهم معاك عنها .

كفايا كده علشان طولت أوى
أرجو من البنات متزعلش من الموضوع

» انا غير كل البنات
» تعالو شوفو لغه البنات
» هذا دعاء البنات كل صباح
» صفات البنات حسب شهور الميلاد
» حصريا كلمات البوم دوللي شاهين ولا كل البنات